Ұлы Отан Соғысының 70 жылдық Мерейтойы қарсаңында 10 “А,Ә,Б” сынып оқушылары ардагер атамыз Мұқанов Шаймұқан Мұқанұлымен кездесу өткізді. Мұқанов Шаймұқан Мұқанұлы 1921 жылы Көкшетау қаласы, Кереге Тас дейтін шоқының етегінде күз айында дүниеге келген. Семей, Талдықорған, Алматы, Жамбыл облыстарында қызмет бабымен жұмыс істеген, қазіргі таңда республикамыздың орталығы Астана қаласының тұрғыны. Әскер қатарына 1940 жылы Новочеркасск қаласындағы №21 артиллериялық базаның жанындағы әскери техникалық курсқа курсант болып қабылданды. 1941 жылы 10 шілде күні Ленинград қаласын қорғау үшін 177 атқыштар дивизиясына еніп, соғысқа кірісті. 1945 жылы соғысты жеңіспен аяқтап елге ерлікпен аман-есен оралды. Оқушылар Шаймұқан атамызға көптеген сұрақтарын қойып, соғыс туралы көптеген мәліметтерге куә болды. Сонымен қатар оқушылар өте жақсы көңіл күйде, керемет әсерде болды.