ЖАҢА ФОРМАТТАҒЫ ПЕДАГОГИКАЛЫҚ КЕҢЕС

Б.Момышұлы атындағы №53 мектеп-лицейде 2022-2023 оқу жылының алғашқы педагогикалық кеңесі жаңа форматта ұйымдастырылды. Бірінші кезеңде, әр пән кафедраларына «Мұғалім оқушының үлгеріміне қаншалықты әсер ете алады?» деген тақырып беріліп, постер жасау тапсырылды. Оны педкеңестің екінші кезеңінде барлық ұжым алдында қорғап, әр кафедра жаңа оқу жылына үлкен жоспар құрды. Әр постерден оқушылардың үлгеріміне ең алдымен, мұғалімнің үздіксіз дамуы, өзгеріске ене алуы, «оқушы үнін» тыңдай білу, оқушыға мейіріммен қарап, барлығын бірдей көру сынды ойлары көрінсе, түрлі әдіс-тәсілдер, бағыттармен жұмыс түрлерін ұсынды. Жүсіпбек Аймауытовтың «Мектеп бітіріп шыққан соң бала бүкіл әлемге, өзгенің және өзінің өміріне білім жүзімен, ашылған саналы ақыл көзімен қарай білсе, міне, білімділердің көздейтін түпкі мақсаты - осы. Ұстаз осы бағытта баланың келешекте жетілуіне мықты негіз салуы керек» дегендей, бірінші кезеңге қойылған мақсатымыз постер қорғауда көрініс тапты. Оқушылардың оқу сапасын жақсартуды көздеген педагогикалық кеңесте бірнеше тақырыптағы өзекті мәселелер көтерілді. Педкеңестің екінші кезеңінде жоспарға сай тақырыптық, ағымдағы жұмыстар айтылды. Мектептің кәсіподақ кеңесінің ұйымдастыруымен педкеңестің үзіліс уақытында кофе - брейк ұйымдастырылды.