Бүгін мектебімізде «INTELLIGENT» сыныбында еуропалық білім беру жүйесінің стандарттарын зерделеу және енгізу» эксперименттік алаңы аясындағы қалалық семинары өтті. Тәжірибе алмасу семинарына Астана қаласы әкімдігінің «Әдістемелік орталығы» МКҚК талдау және білім беру саласындағы зерттеу бөлімінің әдіскері Шаяханова Роза Ақпанқызы, қала мектептерінің директор орынбасарлары мен педагогтері қатысты. Эксперименттік алаң жұмысы 2020-2021 оқу жылында Астана қаласы Білім басқармасының №309 бұйрығымен ашылып, бүгінгі күні қорытындылау есебі берілді. Елдің әлеуметтік-қоғамдық өміріне белсенді қатысу дағдыларына үйретілген, еңбекке және кәсіпкерлікке дайындалған, өз өміріне өзгерістер енгізе алатын тұлғаны қалыптастыру мақсатындағы бағдарлама аясында оқушылар 3 жылда алған білімдері мен өнері, шығармашылық жұмыстарын көрсетті.