«Дарын» республикалық ғылыми-практикалық орталығы 9-11 сыныптың шығармашыл оқушылары арасында жаңа оқу жылының алғашқы сайыстарының бірі - «Ақберен» республикалық өнер байқауының қалалық кезеңін өткізді. Байқаудың мақсаты мен міндеті: 9-11 сыныптың шығармашыл оқушыларының гуманитарлық-эстетикалық ғылымдар саласында кәсіптік қызметін таңдауға шығармашылық қабілетті, өлең жазу, тапқырлық қырын, дарынынын таныту, олардың шығармашылық қабілеттеріне (ақындық, шешендік шеберлігі, түрлі ұлттық аспапта ойнау, т.б.) қолдау көрсетіп, ары қарай дамытуына жол ашу. Сол сайыста қаламы ұшталып, өзінің сөз саптауымен суырылып алдыға шыққан «Бауыржан Момышұлы атындағы№53 мектеп-лицей» оқушысы Кенжіхан Сезім жүлделі II орынға ие болып ұстазының сенімен, мектебіміздің мәртебесін бір көтеріп тастады.