"

3 ақпан күні Нұр-Сұлтан қаласының халықаралық жасыл технологиялар орталығында Қазақстан эко-белсенділерінің республикалық слеті болып өтті. Іс-шара «Еріктілер жылы» шеңберінде ұйымдастырылып, қоршаған ортаны қорғау, эко-волонтерлік мәселелеріне арналды. Халыққа экологиялық тәрбие беру, каспий итбалығын сақтау, қоқыстарды бөлектеп жинау мәселелері қозғалды. Слетке еліміздің барлық өңірінен келген эко-белсенділер, волонтерлер, бірқатар министрлік, экологиялық қауымдастық өкілдері, табиғатты пайдаланушылар, қоғам қайраткерлері, сонымен қатар №53 мектеп-лицейінің еріктілер тобы белсенділік танытты. Барлық осы іс-шарада айтылған бастамалар мен ұсыныстар Жол картасына енгізіліп, олар егжей-тегжейлі зерттелгеннен кейін, іс жүзінде қолданылатыны айтылып, пікір алмасты.