"

21 қыркүйекте №53 мектеп-лицейде Тілдер мерекесіне орай 3-4 орыс сыныптары оқушыларының арасында «Отаным менің – Қазақстан!» тақырыбында мәнерлеп оқу сайысы өткізілді. Бұл сыныптан тыс шараның мақсаты: жас ұрпақты Отанын сүюге, еліміздің рәміздерін қастерлеуге, бай – қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімін ояту. Сайыста оқушылар Отан, туған жер, тіл, астана туралы өлеңдерді нақышына келтіріп мәнерлеп оқыды. Сайыс жоғары деңгейде өткізілді. Оқушылар сайыста өздерінің белсенділіктерін танытты. І орынды 4 «Е» сынып оқушысы Предоусова Амина, ІІ орындарды 4 «Ж» сынып оқушысы Данилова Ольга мен 3 «Ж» сынып оқушысы Елдос Бекзада, ал ІІІ орындарды 4 «Ж» сынып оқушылары Тұрсынханова Ұлдана, Уразбаева Сабина иеленді. Барлық қатысқан оқушылар мақтау қағаздарымен марапатталды. Сайысты ұйымдастырғандар: қазақ тілі мен әдебиеті пәнінің мұғалімдері Әйгерім Оразалықызы Әлімжанова мен Шолпан Жетенқызы Серікова.